Pause

Eg må desverre ta ein liten pause frå blogginga, det er litt hektisk her om dagane. Håper det ikkje drøyer alt for lenge før eg er tilbake.

Bursdagsfeiring.

Endelig oppegåande igjen etter forkjølelsen, så då får eg skrive litt om bursdagsfeiringa eg hadde sist helg. Eg stod jo på som eg alltid gjer, laga mat og pynta, fekk litt hjelp av mor mi med maten. Kvelden før så laga eg serviett-pompongar for å pynte bordet med. Lørdagen gikk i forberedelsar.
Bordet blei ferdig pynta i god tid før gjestene skulle komma.

God plass til alle sammen.

Mor mi laga pizza og eg stellte i stand med taco. Eg hadde laga kjeks dagen før, og så laga eg muffins. I tillegg til det så var det ein heil haug med smågodt og chips. Det er ikkje skikkelig Eva-fest uten alt for mykje mat, hehe.

Det var ein veldig koselig kveld i godt selskap, mykje prat og god mat.

Bursdag

Eg blei slått ut av forkjølelse igjen denne veka, men det var heldigvis etter bursdagsfesten eg hadde på lørdag.Vil skrive meir om den seinare. Tirsdag var sjølve dagen, eg hadde flytta ned til foreldra mine kvelden før sidan eg ikkje var i form, og det var jo koselig å våkne til frukost og pakkar på senga.
Av foreldra mine fekk eg ein kjempefin symaskin, har gått å sett på det kjempe lenge no. Eg blei sittande ei god stund på morgonen å finne ut av ting, teste ut sømmar på ei gammal fille, hehe.

Det blei ei rolig feiring på ettermiddagen, men god marsipankake.

I går var eg hos ei venninne, ho gav med litt stoff, så i dag leika eg meg litt med maskina og laga ein liten pose til mobilen. Greit å ha når mobilen skal ligge i veska.

Er gøy å prøve seg litt, får sjå kva andre kreasjonar det blir etterkvart, eg må nok innom Panduro og Stoff & Stil i sørlandsparken å handla litt stoff etter påsken. 

Serviett-pomponger

Det nermer seg jo fest tid, om det er komfirmasjon, bryllup, bursdag eller bare det å samle gode venner. I mitt tilfelle så nermar det seg bursdag, og då er det jo kjekt å gjere det lille ekstra. Eg har laga serviett pompongar til mitt fest-bord og ville dele kunnskapen med dåke.
Det funker så lenge du bruker serviettar med litt fleire lag, så altså ikkje tørkerullen, hehe. Av dette blir det veldig fine pomongar.

1. Brett ut servietten som vist på bildet.

2. Riv av ei lita rems frå den lukka sida av servietten. Ta vare på den.

3. Brett servietten til ei vifte.

4. Bruk den avrevne biten til å knytte på midten av vifta.

5. Dra opp alle laga på servietten, det bure bli minst 2 ekstra lag under kvar "bildeside" av servietten. Dra forsiktig så du ikkje river servietten. Form som ein pompong.

Vips! Så har du fine serviett-pomoingar til å pynte fest bordet med.

Nokon som skal prøve dette til neste fest?

Korger.

Eg har byrja å flette korger. Dei er laga av papir, eg har brukt ein gammal Black Design katalog.

Tanken var dele ei veiledning her på bloggen min, men etter den fyrste så skjønte eg at eg måtte komme på ein betre måte å gjere ting på.

No har eg lagra tre stykker, og forbedra teknikken litt underveis, men føler det må være ein enklare måte å ordne den siste biten på. Hehe. Så for no deler eg bare bilder ev dei to fyrste korgene, så får vi sjå om det blir noko meir av dette.
No må eg bare finne ut kva eg skal bruke dei til.

Serviett kunst

Er sjuk og elendig om dagen, blir lite interiør fokus då. Det nermar seg påske, St. patrick's og konfirmasjons tid. Fann denne videoen som kanskje kan komme til nytte viss ein skal ha fest.

Påske pynt.

Det var desverre ikkje noko særlig hell med visninga i går. No blir det ein ny periode med venting, så får vi sjå kva vi finner på.

Mor mi og eg var ein tur på Vågsbygd senter på tirsdag, måtte komma meg ut litt. Det var komme så mykje fin påske pynt i butikkane, kunne fint ha komme heim igjen med fullt bagasjerom. Eg klarte å styra meg litt og endte til slutt opp med to pynte egg ifrå Kid.

Det viste seg at dei har og liknande egg på Nille, så det skal ikkje være problem med å få tak i.

Delikat påske pynt. Syns dei var veldig fine, og passar fint inn med stilen eg har i stova.

Ny visning i morgon.

Eg holder på med å forbereda leiligheta til ei ny visning i morgon. Blir spennande å sjå om det kjem nokon, og om det blir noko napp. Eg har hatt to privatvisningar, men det var desverre ikkje heilt det dei var på jakt etter. Boligmarkedet i Kristiansand er skikkelig seigt for tida, så dette kan nok ta litt tid, men vi håpar på det beste.

Våren er endelig byrja å visa seg her på sørlandet. Sola har vert framme og dei store snømengdene holder på å smelte vekk. Herlig!

Eg jobbar med nokre prosjekt for framtidige innlegg, men no ligg all fokus på visninga i morgon.

   

Ta vare på melkekartongen.

Når eg skal oppbevare mat i poser så har eg vanligvis bare knytta enden eller brukt klyper, men eg fann eit lurt tips her om dagen. Alt du treng er ein tom melkekartong, av den typen med skrukork. Klipp korkdelen ut av melkekartongen.

Tre enden av posen igjennom skrudelen, og brett det over, ta så korken og skru igjen. Voila! Tett pose.

Du kan og skjære toppen av brusflasker og bruke dei og til dette, egentlig alt med skrukork, mulig det kan tåle litt tjukkare plastposar og. Uansett så syns eg dette funkar veldig greit på mitt kjøkken, og det gjer jo det litt lettare å stappe melkekartongane når korken ikkje er i veien.

Banan Valnøtt Sjokolade Cookies

Endå ei banan oppskrift. Eg har ein stygg tendens til å kjøpe bananer og bare la dei ligge, så då er det greit å ha oppskrifter klare så dei ikkje ender opp i bosset.
Eg ville dele denne oppskrifta med dåke, dette er kjempe gode kjeks med mykje innhold.

Dette trenger du:

165 g mjøl
1ts. salt
180 g smør
½ ts. bakepulver
115 g sukker
115 g lyst brunt sukker
1 stort egg
1 stor moden most banan ( evt. 1 1/2 små bananer)
50 g valnøtter
2 ts. vaniljepulver
150 g sjokolade i bitar
2 dl havregryn

- Pisk sammen kvitt og brunt sukker, og smøret til det blir luftig.

- Ha oppi egg og vaniljepulver og bland det godt sammen.

- Bland sammen mjølet med bakepulver og salt, og ha det oppi bollen.

Resten kan du gjere for hånd, men det går vel an å la kjøkkenmaskina gjere det i lav hastighet.
- Hakk opp sjokoladen, eller bruk sjokoladeknappar.
- Bland sjokoladen med ei most banan, hakka valnøtter og havregryn, og ha oppi bollen.

- Bland det godt sammen.

- Kle steikebrett med bakepapir og fordel deigen i kuler på steikebrettet.

- Sett ovnen på 175 C 13 minutter
- Når du tar kjeksa ut av ovnen så er det best å la dei kvile i minst 5 minutt før du legg dei i kakeboksen.

Dette er utrulig gode kjeks, med mykje smak. Der eg fann oppskrifta stod det at dei holder seg i maks 2 dagar i ein kakeboks. Dette blir jo ein stor porsjon, så viss du har mange igjen på dag to så er det ikkje noko problem med å fryse kjeksa, det er jo veldig greit å ha nokre i frysen viss du får uventa kaffibesøk.

Fastelaven.

Det var jo morsdag og fastelaven forrige søndag, litt dumt når begge tinga faller på samme dag, så vi valgte å fastelaven i dag istadenfor. Eg tok turen ned til foreldra mine, og fekk nyte mor mi sine fastelavensboller.

Det er ikkje pølse eller karbonader som ligg under kremen, men marsipan. Det er del av ei oppskrift mor mi fann for ein del år sidan. Veldig godt, og veldig mektig. Absolutt til å anbefala.
Håpar alle har ein fin søndag.

Romanse.

Eg er desverre skikkelig uinspirert for tida, men eg fann denne på nettet i dag. Litt seint ute for Valentines dagen, men passar for dei som vil ha pynte idear til neste år, eller har andre romantiske feiringar i nær framtid.

Våren er vakker for den som lenge har hatt vinter.

Det har vert ein del snø her på sørlandet den sista tida, og meir skal det bli. I dag kom sola fram og gjorde det litt meir triveligare til tross for kulda.

Eg må innrømme at eg er ganske lei av snø og vinter no, kunne godt tenkt meg ein tur til ein plass med sol og varme. Desverre er ikkje det så aktuelt no, og sidan eg ikkje kan gjere noko med været, så bestemte eg meg for å heller skape litt vår inne i leiligheta.

Lilla er visst interiør fargen i år, og det passar jo meg perfekt sidan eg er veldig glad i lilla. Mykje av pynten eg har er lilla eller blått.

Eg måtte få inn litt sommarfuglar og, kanskje litt tidlig ute, men eg føler det var med å skape litt stemning. No kan eg kosa meg med vår inne fram til det blir vår ute.
Sånn ser det altså ut hos meg om dagen, er det nokon andre som har fått våren inn i heimen?