Nytt kjøkken!

Det har skjedd litt forandring på kjøkkenet mitt medan eg var i Hamburg og på Eiken.

Bilde frå prospektet.

Bilde frå prospektet.

Veggen var litt mørkare enn det ser ut på bildet. I fjor sommar malte eg bordet og stolen, så det gikk frå ein mørk grå-lilla til lyseblå. Følte det hjalp litt med å gjere det meir trivelig der inne.

Stolen underveis i maleprosessen.

Ferdig malt stol.

Beste før bildet eg hadde av kjøkkenet med blått bord.
Litt rotete, menmen. ;)

Det var på tide med ein ny forandring no i haust. Eg har alltid følt at kjøkkenkroken var litt mørk til tross for dei kvite skapa, så når det kom tid for å velge ny tapet på veggen, så ville eg ha noko med litt liv i.
Eg har lenge vert besatt av skogstemaet dei har på veggane i TV-serien Once Upon a Time, og mest av alt den tapeten Regina har på kontoret sitt.

Kontoret til Regina i Once Upon a Time.

Då vi var i Polen i sommar så gikk eg på jakt etter tapet. Eg hadde jo skogstapeten litt i bakhovudet når eg var jakt, men hadde jo aldri trudd eg faktisk skulle finne noko som skulle fylle det ønsket, men det gjorde eg faktisk! Stor glede. Medan eg var i Hamburg så malte far min taket og fekk opp tapeten, det tok litt tid å bli vane med, men eg er utrulig fornøyd med resultatet.

Skog inne.

Medan eg var på Eiken så la far min nytt golv på kjøkkenet, og så malte han stolen og kjøkkenbordet til ein fin kvit farge.

Nymalt bord og nytt golv.

Nymalt stol.

Eg er veldig fornøyd med korleis det ser ut. Mykje lysare og trivligare, skal bli ein fryd å jobba med julebaksten der inne no. :)

Ting er kommet på plass.

St. Mikolaj

I dag feirar dei St. Mikolaj i Polen, og sidan mor mi er polsk så var det noko vi hadde i barndommen. Om kvelden 5. desember så ville vi sette skoen våras i vindauget, og om morgonen 6. desember så ville det være snop i skoen viss du hadde vert snill det året. Slemme barn fekk ris eller belte i skoen sin viss eg hugsar riktig.
Ifølge litt research eg gjorde på nettet så er St. Nikolas ein som gav inspirasjon til julenissen. Han gikk rundt i og delte ut sukkertøy til barn for å minne dei på å være snille.
Vi slutta med den tradisjonen då eg kom i tenåra, men i då eg var å besøkte foreldra mine i dag, så kom mor mi med ein liten gåve pose til meg i anledning Mikolaj.

Alltid koselig med sånne overraskingar.

Litt meir informasjon om Mikolaj kan du finne her & her.

No skal eg ta det med ro resten av kvelden, kose meg med tente lys, noko godt i koppen og Batman på BluRay. God kveld!

Litt nytt.

Etter eg hadde pussa opp soverommet og kvitta meg med nokre gamle møblar så byrja jo jakta på litt nytt. Det eg var på jakt etter var to nattbord og ein liten benk, helst med lagringsplass, og ei hylle til kjøkkenet. Eg gjekk nøye igjennom mange brosjyrar valgte Maui serien frå Jysk.
Fyrste kjøpet blei rundt juletider i fjor og det var hylla til kjøkkenet. Folk flest vil vel helst ha denne i gongen, men eg hadde behov for litt meir lagringsplass på kjøkkenet så då endte den opp der. Kjempe praktisk og grei.

Alltid greit med ekstra lagringsplass, og denne var så fin.

Litt pynt på knaggane, sidan det ikkje blir brukt til jakker.

Hjerter frå Upstairs, Cuisine hjerte frå Nille, pepperkake hjerte frå tivoli i Tyskland og bror min sitt gamle sløyd prosjekt.

I sommar så var vi innom Jysk i Polen og det viste seg at det var nokre hundrelappar å spara, så då handla eg nattborda og benken der. Foreldra mine kjører ned der kvar sommar, så det var ikkje noko problem å få frakta det heim igjen.
Ein kveld i august, etter eg hadde fått møbel pakkane heim, heiv eg på ein film og monterte dei to nattborda. Det gikk greitt, men skal sei det tok sin tid for ein amatør, hehe. Over to timar brukte eg, men så blei det jo veldig fint då, er korgene som tar tid.

Tok sin tid, men dei blei montert.

Eit nattbord til kvar ende av senga.

Godt med lagringsplass

Benken gikk det litt fortare med, hjelper å ha god musikk på medan ein jobbar.

Fiks ferdig benk med god lagringsplass.

Litt pynt må ein ha.

Hylla til venstre har god plass til å lagre laptoppen ved behov.

Det høyrer eigentleg ei pute til benken, som ein kan ha på toppen og få litt ekstra sitteplass. Utrulig greitt viss eg ein dag har mange gjester, men sånn til kvardagen så syns eg det er finast med eit løpar og litt pynt på.
Eg er fornøgd med valet og syns det er fint å endelig ha dei på plass.

Bilder frå Eiken.

Eg tok ein heil haug med bilder medan eg var på Sørlandets rehabiliteringssenter på Eiken. Har gått igjennom dei og valgt ut ein liten smakebit for å gi eit inntrykk om korleis det er der oppe.
Du kan trykke på bilda for å få ein litt større versjon.
Byrjar med nokre bilder av rommet.

Dagane på Eiken.

Då var eg ferdig med 4 veker på Eiken, men eg hadde litt meir eg ville skrive om. Eg tenkte eg ville skrive litt om kva vi faktisk gjer der oppe, og kva ein har mulighet til å finne på i fritida.

Greitt å ha ei notisblokk med seg.

TIMEPLANEN
Dagane byrjar med frukost, ein vel jo sjølv om ein vil stå opp til det. Timeplanen varierer ein del, aktivitetane byrjar mellom kl. 10 og kl. 12 frå dag til dag. Etter middagen så byrjar aktiviteten mellom 14 og 15. Kl 16:00 er vi ferdige for dagen, ofte før det og. Det vekslar mellom fysisk aktivitet og teori timar. Ein vel og sjølv kva timar ein vil ta del i, men då meiner eg ikkje at du bare velger og vraker, du går jo ut frå formen den dagen og ser kva du klarer å være med på. På dei fysiske delane får du ofte styre tempoet sjølv.

Food, Glorious Food!

I dag byrja eg på den fjerde og siste veka mi på Eiken. Sidan sist eg skreiv noko så har dessverre to til frå gruppa måtte trekka seg, så no er vi 6 stykk igjen. Det er visst unormalt at så mange faller ifrå, vi er nok fyrste gruppa som har mista 4. Her lærer vi jo om å bevare den energien vi har og det beste for noko vil jo kanskje då være å avslutte tidlig å reise heim igjen.

MAT 
Det er god og variert mat her. Før opphaldet så måtte vi fylle ut eit skjema og der vi skrvive litt om matvanane våre, kva vi tåler og ikkje tåler. Etter frukosten den andre dagen så kom ei av dei som jobba på kjøkkenet ut og sjekka matvanane våre. dei tar hensyn til allergi og vegetar mat, og til og med meg som er veldig kresen. Det er mykje eg ikkje likar, men sauekjøtt og kokte grønsaker er blant det verste eg kan få, og det skal eg sleppe og få her, så til middagane så får eg råkost eller salat. Eg har og utvikla allergi mot meloner, så den eine dagen vi hadde det som dessert så kom det ei frå kjøkkenet ut med ei skål druer til meg. Veldig greitt.
Viss ein ser på middagsmenyen for veka og finn ut at det er noko ein absolutt ikkje kan ha, så er det bare å ta kontakt med kjøkkenpersonalet og gi beskjed, i god tid då så klart. Eg syns det er utrulig bra, dei ser jo på det som viktig at vi får i oss nok mat om dagen.

Dei faste mat tidene er:
Frukost 8-9, men kan sitte til 9:30 ved behov.
Middag 13:00, tidlig middag med det gir krefter for resten av dagen.
Kveldsmat 17:30

Info får ein i permen på rommet.

I tillegg så kan du pakke med deg litt mat frå måltida til å ha seinare. Det blir og lagt ut ei skål med frukt, og litt müsli og nøtter i dagligrommet kl. 10 som står der utover dagen. Kl. 20:00 så blir det og lagt ut suppe pulver til å ha i kopp og evt. litt grønsaker. Ein går absolutt ikkje svolten her. Det er og tilgang på kaffi og tevatn (og teposar så klart) heile dagen. Vil du bruke litt pengar så er det butikkar i nærheten, ein vareautomat i kjellaren med litt digg i, det er og nokre valgalternativ på kaffi maskinen i dagligstova viss ein vil ha noko meir avansert. Her lider ein absolutt ingen nød når det kjem til mat.

Det går an å få middag på rommet viss ein skulle føle seg ekstra dårlig ein dag.

Eple suppa.

Nydelig blåbær suppa.

Menyane for dei vekene eg har vore her.

Hadde verkeleg trudd eg skulle fått skrevet så mykje meir medan eg var her oppe, men det blir nok litt pausar mellom kvar gong. Kanskje det vil ta litt tid før eg kjem til hektene etter eg kjem heim og, så då veit dåke det.

Livet på Eiken

No er det andre veka mi her på Eiken og eg sitter med mange tankar om opphaldet så langt. Føler eg kanskje må få litt meir orden på tankane før eg skriver så mykje om det, men ville jo byrja å skrive litt.

Perm der vi har all kurs informasjon og kan ha notatar.

LITT GENERELLT.
Opphaldet varer 4 veker. På eine sida syns eg dei kanskje kunne klart å få programmet ned til 3 veker, men på andre sida så er det greitt å ha så lite dei dagane eg sliter, og det reknar eg med resten av gruppa føler og. Det er jo det som kanskje har overraska meg mest her så langt, kor mykje dei få aktivitetane vi har her oppe har krevd av meg. Eg er veldig glad for at vi har gode pausar mellom kvar aktivitet, for av og til så har eg verkeleg hatt behov for å kunne legge meg nedpå ein time og sove, eller bare slappe av med å surfe nettet. Heldigvis er eg jo ikkje blant dei som føler behov for å sove i kvar pause, veit nå egentlig ikkje om nokon på gruppa er så dårlige at dei gjer det, men eg er glad pausane er der.
På måndag så fekk vi vete at det var to personar i gruppa som ikkje klarte å henge med lengre, det blei rett og slett for mykje for dei, så no er vi åtte. Sidan dei reiste heim no så har dei jo mulighet til å komme tilbake på ein gong seinare når dei føler seg litt betre, men akkurat no var det for tøft for dei. Dette er jo eit eingongs opphald, så når eg er ferdig med desse 4 vekene, så er eg ferdig og har ikkje mulighet for å ta opphaldet ein gong til. Det var trist å miste dei to, men her er det viktig å tenke på kva ein faktisk klarer å være med på. Begge to virka fornøyde med valet dei hadde tatt.
Håper ikkje dette skremmer nokon vekk frå å søke, eg syns at dette er absolutt verdt å satse på, men ein må være i såpass form at ein klarer å stelle seg sjølv, og så kan det bli litt støy i matsalen så det er jo greitt om ein taklar det og. Kjenner sjølv at det kan bli litt mykje av og til, men eg klarer det, det er bare å ha litt stille tid på rommet sitt etterpå så går det greitt for min del. Aktivitetane velger ein jo sjølv om ein blir med på, men dei ser jo helst at folk dukker opp i teori timane og prøver å få med seg dei fysiske timane om dei klarar det.

Utsikten frå viduet mitt.

STABEN.
Vi blir tatt veldig godt vare på her. Er det noko du føler du manglar eller om du bare har spørsmål, så er betjeninga her veldig flinke med å hjelpe til. Det er kanskje ikkje alt dei kan gjere noko med, men dei prøver. F.eks. så var det ei på gruppa som ikkje fekk internett tilgang frå rommet sitt, og ho blei flytta til nytt rom i løpet av helga, det er jo ikkje sikkert at det alltid går, men kan dei, så hjelper dei. Det er heller ikkje problem med å få ekstra dyne eller teppe inn på rommet viss ein har behov for det. Er du for trøtt til å gå ned i matsalen for å ete så kan du be om å få mat opp på rommet. Alt er tilrettelagt for at vi med ME skal kunne bevare den energien vi har.

Det må bli det for denne gongen, vil prøve å skrive litt meir seinare ein dag, men eg kan ikkje sei heilt sikkert korti det blir. Lover eit innlegg om maten her og litt om tilbudet på fritida. Kan ikkje love at alt blir like systematisk, men skriver etter kvart som eg kjem på noko eg vil dele med dåke. Det er jo og lov til å spørre spørsmål så skal eg svare så godt eg kan. :)