Banan Valnøtt Sjokolade Cookies

Endå ei banan oppskrift. Eg har ein stygg tendens til å kjøpe bananer og bare la dei ligge, så då er det greit å ha oppskrifter klare så dei ikkje ender opp i bosset.
Eg ville dele denne oppskrifta med dåke, dette er kjempe gode kjeks med mykje innhold.

Dette trenger du:

165 g mjøl
1ts. salt
180 g smør
½ ts. bakepulver
115 g sukker
115 g lyst brunt sukker
1 stort egg
1 stor moden most banan ( evt. 1 1/2 små bananer)
50 g valnøtter
2 ts. vaniljepulver
150 g sjokolade i bitar
2 dl havregryn

- Pisk sammen kvitt og brunt sukker, og smøret til det blir luftig.

- Ha oppi egg og vaniljepulver og bland det godt sammen.

- Bland sammen mjølet med bakepulver og salt, og ha det oppi bollen.

Resten kan du gjere for hånd, men det går vel an å la kjøkkenmaskina gjere det i lav hastighet.
- Hakk opp sjokoladen, eller bruk sjokoladeknappar.
- Bland sjokoladen med ei most banan, hakka valnøtter og havregryn, og ha oppi bollen.

- Bland det godt sammen.

- Kle steikebrett med bakepapir og fordel deigen i kuler på steikebrettet.

- Sett ovnen på 175 C 13 minutter
- Når du tar kjeksa ut av ovnen så er det best å la dei kvile i minst 5 minutt før du legg dei i kakeboksen.

Dette er utrulig gode kjeks, med mykje smak. Der eg fann oppskrifta stod det at dei holder seg i maks 2 dagar i ein kakeboks. Dette blir jo ein stor porsjon, så viss du har mange igjen på dag to så er det ikkje noko problem med å fryse kjeksa, det er jo veldig greit å ha nokre i frysen viss du får uventa kaffibesøk.

Nøtteflarn.

Her er ei oppskrift eg fann til julebaksten i år, nøtteflarn. Syns alltid dei har sett så gode ut, så då hadde eg jo ei greit unnskyldning til å laga dei.

2 egg
200g sukker
200g malte hasselnøtter.

1dl heile hasselnøtter til pynt.

Pisk sammen egg og sukker til ein tjukk eggedosis.

Vend inn dei malte nøttene.

Lag små klattar av røra på steikebrettet, og pynt med ei heil nøtt på toppen.

Steik kakene midt i ovnen på 170C i 10 minuttar.

Det andre forsøket mitt gikk litt betre enn det fyrste, men det viktigaste er jo at smaken er der. :-)
Du kan fint bytta hasselnøttene med malte mandlar eller valnøtter viss du likar dei betre.

Det har blitt ein del baking på meg denne jula, men no er eg ferdig og har flytta inn til foreldra mine for å feire jul. Satsar på nokre koselige dagar framover.

Serinakaker

Endå ei oppskrift eg oppdaga til julebaksten i fjor, serinakaker. Absolutt til å anbefala.

150g smør.
250g kveitemjøl.
2ts bakepulver.
2ts vaniljesukker.
100g sukker.
1 egg.

Til pynt: Egg til pensling, hakka mandlar og perlesukker.

Smuldr smøret i mjølet, bakepulver og vaniljesukker.

Tilsett sukker og sammenvispa egg.

Arbeid deigen godt, og trill den ut i ei pølsa.

Skjær pølsene i like store bitar og trill kuler. Sett kulene på steikeplata og bruk ein gaffet til å rykka dei ned.

Pensl med egg, og dryss over hakka mandlar og perlesukker.

Steik kakene midt i ovnen ca 12 minutt i 175C.
La kakene stå å kjøle seg ned litt før du pakker dei vekk.

Eg gjorde visst litt feil med egget når eg laga dei, men ein lærer jo underveis. Smaken er der, og det er jo det viktigaste. 

Brune pinnar.

Det nermar seg jul, og eg er godt igang  med baking og pynting, så vær klare for ein del jule innlegg framover. I dag ville eg dele oppskrifta på Brune pinnar, dette var noko eg fann i fjor og dei blei ein stor suksess.

200g smør.
200g sukker.
1 eggeplomme.
1ss lys sirup.
1/2ts kanel.
1ts vaniljesukker.
1ts natron.
300g kveitemjøl.

Til pynt: Egg, perlesukker og hakka mandlar.
Sjølv om det står egg, så går det fint an å bare bruke eggekvita som er igjen etter egget du brukte tidligare.

Rør smør og sukker godt saman.

Bland i resten av ingrediensane.

Elt deigen og del den i 6 delar. Trill pølser og trykk dei litt flate på steikebrettet. Pensl med egg, og dryss mandlar og sukker på. Steik kakene midt i ovnen på 175 grader C i ca 10 minutt.

Skjær kakene på skrå, så det blir smale kaker, medan dei fortsatt er varme.

No lot eg pølsene være litt for store når eg hadde dei i ovnen, det er nok lurast å ha dei fordelt på to steikebrett og heller rulle litt tynnare. Eg hadde god avstand når eg hadde dei i ovnen, men som du ser så vokser dei litt. Hehe.

Banan Milkshake

I dag vil eg dele oppskrift på ein enkel og veldig god banan milkshake. Dette blir nok til to store glas med milkshake.

1 frossen banan.
2,5 dl mjølk.
1 ss sukker.

Enklare kan det ikkje bli.

Hiv alt i ein blender og bland godt.

 Og nyt! :-)

Nam!

Det går jo an å bruke denne oppskrifta med anna frukt og bær, mykje godt ein kan laga milkshake av.

Heimelaga Hamburgerbrød

Som eg har nemnt tidlegare så er eg glad i å bake, syns det er kjekt å finne nye oppskrifter. Denne gongen vil eg dele ei oppskrift på hamburgerbrød som eg har funne online.

2dl vatn.
1,5dl mjølk
25g gjær eller 1 pk tørrgjær.
2ss olje.
1ts salt.
0,5ts sukker.
10dl kveitemjøl eller grovbakstmjøl.

- Varm vatn og mjølk til det er fingervarmt. Ha oppi gjær og bland.
- Ha oppi olja og salt, sukker og mjøl.
- Elt deigen til den er passe fast og glatt.
- Dekk til deigen og la den heve i ca 40 minutt, til ca dobbel størrelse.
- Kjevl ut deigen til den er ca 1 1/2 - 2 cm tjukk.
- Bruk ein liten tallerk eller skål og skjær ut bollene så dei er ca 10-12cm i diameter.
- Legg brøda på steikebrett med bakepapir, dekk til og la dei heve i ca 20 minutt.

- Pensl bollene med melk eller samanpiska egg, og dryss over med sesamfrø eller grovt mjøl.
- Ha i steikeovnen på nederste rille, på 225 grader i 12-15 minutter.

La dei kjøle seg ned litt før du skjærer dei i to. Så kan du jo bare ha på kva du vil av kjøtt, salat og tilbehør og nyt. Eg brukte grovbakstmjøl då eg laga mine, og det er absolutt å anbefale, mettande og godt, og litt sunnare enn om du bruker vanlig kveitemjøl. ;-)

Velbekomme!

Banan brød muffins

Etter eg blei heimeverande pga av ME så har eg funnet glede i å kunne bake. Eg sunes det er kjekt å finne nye oppskrifter på nett eller i blad. Denne gangen hadde eg nokre bananer som hadde blitt liggande litt, og sidan det ikkje var så lenge sidan eg hadde laga banan brød så gikk eg på nettet og leita etter noko nytt. Etter ei stund så fann eg ei oppskrift på banan muffins, og tenkte at eg ville dele oppskrifta her. Det er eit fint alternativ til banan brød, og kan fint bli med i lunch boksen.

200 g sukker.
1 egg.
250 g mjøl.
3 g salt.
120 ml mat olje.
3 godt modne bananer, most.
30 g hakka valnøtter.
5 g bakepulver.

Varm ovnen til 175 C. Fordel muffins former på steikebrett eller smør eller spray muffins brett.
Mix sukker, oilje, og egget til det er kremete og lett gul. Ha oppi moste bananer og valnøtter. Ha så oppi kveitemjøl, bakepulver og salt. Bland til det er jevnt. Ha røra oppi muffins formene.


Ha midt i ovnen for 30-40 minutt. Når du kan ha tannpirker i midten av muffinsen uten at det henger igjen deig så er dei ferdige.


No forandra eg litt på oppskrifta når eg laga dei, eg halverte sukkerinnholdet sidan eg ikkje er så glad i veldig søte ting. Eg bytta og ut valnøttene (sidan eg ikkje hadde det i hus,) med sjokoladebitar. Det funka veldig godt. Eg vil tru det kan gå an å bytte ut valnøttene med det meste, på sida eg fann oppskrifta foreslo dei å bytte eller blande valnøttene med kokos, må kanksje prøve det neste gong eg lagar dei. Alltid spennande å leike litt med oppskrifta.